Dia 3 di April a sosode un accidente riba LG Smith Boulevard den oranan di merdia. Un chauffeur cu un SUV a reverse for di un oficina pa subi caminda y bay direccion pariba. E hoben motociclista Yerlin Mendieta naci 8-02-1994 tabata bin poco duro di pabou.

E no a logra para na tempo ora SUV a reverse subi caminda. E hoben a dal den e parti patras di e SUV y motociclista a cay riba caminda. Di a dia ey te cu awe e hoben a keda lucha pa su bida. Famia y Amigonan tabata tin Yerlin Mendieta den oracion.

Velocidad halto di motociclista a causa cu chauffeur no a mira e brommer acercando

E accidente cu 24ora.com a informa Aruba riba dje a ser graba. Esaki ta mustra con e chauffeur a reverse riba e caminda principal di LG Smith Blvd y no a paga tino cu e brommer tabata acercando cu velocidad halto. A motociclista a dal parcialmente den e SUV y sigui bay lastra riba Linear Park. Finalmente motociclista a keda benta riba caminda y su sportbike riba Linear Park. Polis a tene e caminda sera basta rato pa investigacion.

Posted by 24ora on Wednesday, April 3, 2019

 

El a haya diferente complicacion. A mande Colombia mesora y na Bucaramanga diferente dokter a trata di atende cu Yerlin Mendieta riba su complicacionnan. E slanan paden tabata hopi y basta pisa. A haci mas cu diez operacion. E situacion tabata birando cada dia pio. No a pensa cu un accidente di dia 3 di April lo conduci na morto di e hoben aki riba un 19 di Mei.

Famia y amigonan ta den un dolor inmenso. No ta conoci si aki por papia di morto den trafico mirando e tempo cu a transcuri. Pas na su restonan y hopi forsa na famia y amigonan.

Comments

comments