Compania di helicopter evaluando bataya legal contra Minister Andin Bikker

Ta parce cu Aerotecnica S.A. di Venezuela, cu awendia tin su base na Fort Lauderdale, na Merca, a perde un bataya pero no e guera ainda! Esaki ta e compania cu ex Minister Rudy Croes a trece Aruba pa brinda servicio di helicopter na Cuerpo Policial Aruba pa 11 aña largo. E mesun compania aki a participa tambe den e destaho publico organisa pa Minister Andin Bikker, pero cu finalmente a cancela y a opta pa organisa e destaho di otro forma y a duna e trabou na un compania Colombiano.

Tur cos ta mustra cu por papia aki claramente di conflicto di interes, mirando e personahenan envolvi, biahenan gratis den avion priva pa y for di Colombia dor di consehero y/of amigonan envolvi.

Tambe tin e realidad cu e compania cu a gana e destaho publico a bid mas di 60% mas caro cu Aerotecnica cu awor a keda afor. Ta bin acerca cu tabatin un representante local di e compania Colombiano na Aruba, cu na caminda a saca afo tambe despues cu un abogado a reuni cu nan directamente.

Cu tur esakinan riba mesa. ta evaluando casonan sumario tanto contra Gobierno pero civilmente tambe contra e mandatario personalmente, pa su decision tuma. Mas cu un grupo di participante na e destaho awor kier procede contra e Minister, cu tambe ta un abogado.