Comision Promove Cultura contento con festival di canto a cana

Festival Un Canto pa nos Himno y Bandera, pa loke ta e parti pre-infantil, infantil, pre-hubenil y hubenil, a tuma luga diabierna 8 di Maart y diasabra 9 di Maart 2019 riba Plaza Libertador Gilberto François “Betico” Croes. E festival tabata programa pa cuminsa 7or ariba ambos anochi.

Diabierna 8 di Maart, e festival a cuminsa pa 7:20 y pa 11:03 a entrega e ultimo premio. Tabata trata di categoria 4 pa 6 aña y 7 pa 9 aña. E anochi aki tabata tin un total di 14 participante cu a wordo acompaña pa 6 agrupacion musical.

Diasabra 9 di Maart, e festival a cuminsa pa 7:30 y a entrega e ultimo premio net algo prome cu 1’or. Riba e anochi aki a participa 25 cantante di categorianan 10 pa 12 aña y 13 pa 17 aña cu a wordo acompaña pa 9 agrupacion musical.  

Comision Promove Cultura, ta hopi contento con e festival a cana. Tur participante a duna lo maximo di nan banda y mas cu un competencia e festival tabata manera un concierto dedica na Aruba.

Resultado

E ganadornan ta lo siguiente: Pre-Infantil Categoria 4-6 aña 3er Lugar: Akyrah Margarita – “Akyrah ta conta y canta”. 2do Lugar: Kitai de Jongh – “Ban Keiro cu Kitai”. Ganador Absoluto: Ian Tromp – “Cu Bandera den mi man “ Mas cu claro nos kier felicita y gradici Raelynn Landaeta, Jayruq Lanoy y Layla Dorer tambe cu nan presentacion den e categoria aki.

Infantil Categoria 7-9 aña 3er Lugar: Michelyenne Raphaela – “Nos ta un pais bendiciona” 2do Lugar: Lizienne Webb – “Oracion pa mi nacion” Ganadora Absoluto: Stephanie Quant – “Akinan tin fiesta“

Pabien tambe na nos otro participantenan infantil: Maria Christina Petrocchi, Carl Anthony Petrocchi, Ivy-Anne Bryson, Ashwin Maduro y Ezahayra Arteaga.

Pre-Hubenil Categoria 10-12 aña 3er Lugar: Genevan Maduro – “Manehado di Tempo” 2do Lugar: Asia Libiee – “No Tin Dos Manera Nos“ Ganadora Absoluto:  Gismary Linarez – “Pone Bo Man Ariba Nos” Na nos otro participantenan pre-hubenil, Lendon Albus, Shaylee Croes, Quanisha Sampson, Nyella Thijsen, Melody Franken, Christopher Croes, Dayenne Croes, Mary-Jane Bueno-Guzman y Ishmerai Helder: Danki y Pabien cu boso presentacion.

Hubenil Categoria 13-17 aña 3er Lugar: Kayla Villasmil – “Ban Haci e diferencia” 2do Lugar: Zaina Falconi – “Anos ta crea” Ganadora Absoluto” Jaydiene Croes – “Mane bo ta” Danki na Jayleen Croes, Nathan Perez, Rayxien Trimon, Jorzinho Croes, Amanda Britten y Aleshanee Croes pa boso participacion.  

Un danki special y un pabien special ta bay na Gizane Boekhoudt, Kayla Villasmil, Kayla Arends, Zaïna Falconi y Priscilla Quant cu nan ultimo presentacion pa locual ta e parti hubenil di e gran festival aki. Ta spera di por wak nan bek otro aña den categoria di adulto. Danki pa tur e añanan cu boso a participa den e festival y hopi exito pa futuro.

Gradicimento

Comision Promove Cultura kier a gradici cada un di e partnernan y sponsernan cu a haci e festival aki posibel:

Comision Celebracion Dianan Nacional bou auspicio di Departamento di Cultura y Minister di Cultura, Setar N.V, RBC Bank, Tropical Bottling Company N.V., Arulaser, Splash Park, Urataka Center, De Palm Tours, Ruth’s Cakes, Hilton Aruba, La Cabana, De Wit & Van Dorp Stores, Compra N.V., Martijn Trading, Phillip’s Animal Garden, Cliffic Musical Instruments N.V., Ennia N.V., Driftwood Restaurant, Ling & Sons, Tec Inc. y Dun Dun Ice, danki pa boso sosten.

Canalnan di Television Tele Aruba N.V. y Diario TV, Radio bo Guia, VIP online radio y Blue FM cu a sa di transmiti e festival en bibo pa tur esnan cu pa un of otro motibo no a logra yega Plaza Betico.

Tambe na e cuerpo di hurado di ambos anochi y cada un di nos voluntarionan. Maestronan di Ceremonia Bryan Dirks, Sheqayli Asencion, Jenelee Gamarra, danki pa e manera cu boso a presenta e festival.

Na tur musico, mayor cu a y ta pone confiansa den nos organisacion aña aden y aña afo y sin laga afo e muchanan y e hobennan cu ta haci tur nan esfuerso pa duna un tremendo presentacion pa e pueblo di e isla cu nan stima. Na pueblo di Aruba, danki pa a convivi cada momento cu e cantantenan, danki pa e apoyo cu a duna e muchanan di comienso te final. Ta spera cu otro aña di lo por conta cu tur hende un biaha mas pa haci e bunita festival aki mas grandi ainda.

Comision Promove Cultura kier felicita tur Arubiano di awor caba cu e celebracion di nos dia nacional dialuna proximo. Ban celebr’e engrande!