Comision Fiho di Finansas y Economia a reuni cu KvK

Como miembro di Comision fiho di Finansas y Economia di Parlamento parlamentario Shailiny Tromp-Lee a tuma parti na un reunion cu Camara di Comercio caminda a trata diferente punto interesante manera:
• SN Tax Zone
• Clima di inversion
• Posibilidad pa forma comision di trabou entre Parlamento, Camara di Comercio y otro stakeholdernan
• Agricultura.

Un reunion cu a bay hopi bon y caminda a trata entre otro e aporte di Parlamento pa yuda minimalisa of elimina e redtape pa lanta propio negoshi, percura pa modernisacion di nos leynan y vergunningstelsel. Un posibilidad hopi interesante cu a keda trata ta pa crea un ‘One Stop Shop’ pa esnan cu kier lanta nan propio negoshi. E puntonan aki sigur lo crea un miho clima di inversion pa nos propio localnan cu actualmente tin cu cana un trayecto mucho largo, caro y cu tin ora ta keda experencia como uno complica.
Sigur Parlamento por traha pa elimina hopi di e drempelnan artificial cu hopi biaha ta demotiva e ‘young entrepreneurs’ y por percura pa gobierno introduci e.o incentivanan fiscal y maneho facilitativo pa esnan cu kier lanta nan propio negoshi.
A keda palabra cu lo mantene un relacion di trabou mas estrecho y structural y dentro di poco Camara di Comercio lo presenta un lista di prioridad na Parlamento pa en conhunto traha ariba esakinan.