Comision di keho di HAVA a wordo introduci pa resolve y evita kehonan di pashent

Comision di keho di HAVA a wordo introduci entrante dialuna ultimo, cu e meta pa soluciona, resolve y tambe evita kehonan cerca aseguradonan di AZV y tambe cerca pashentnan en general den nos comunidad, Solange Tjong, vocero di AZV a splica durante un conferencia di prensa, hunto cu e Asociacion di Dokternan di Cas.

Manera ta conoci, segun Landsverordening Kwaliteit in de Gezondheidszorg, cada dokter di cas mester tin un procedura di keho, unda cu un pashent por acudi, ora cu e tin un keho of un insatisfaccion.

Conferencia na AZV di comision di keho “HAVA”

Posted by 24ora on Monday, December 10, 2018

Algun tempo atras, e asociacion di dokternan di cas a expresa nan deseo cerca AZV pa introduci un comision di keho di HAVA, unda cu e pashentnan lo por entrega nan keho y asina haya oido y solucion pa nan keho.

Mirando cu awor cada dokter di cas lo mester cumpli cu exigencianan di e ley di calidad dentro di salud publico, HAVA a tuma e paso pa bin cu un comision di keho di HAVA, cu lo por atende e kehonan y dentro di esaki AZV a bay di acuerdo pa facilita e trayecto aki.