Comision Derecho di Mucha ta clausura su campaña

Riba dia Internacional di Mucha Comision Derecho di Mucha den colaboracion un biaha mas a saca e feliz ganado di e campaña riba medionan social caminda a regala un bunita bais.

Comision Derecho di Mucha  kier a gradici tur mucha cu a participa door di saca un potret na e ‘photo booth’ cu su producto faborito y despues publica esaki riba medionan social invitado e comunidad di Aruba pa ‘like’ esaki.   

Un pabien grandi ta bay na e ganado cual sigur lo disfruta di su premio. Comision Derecho di Mucha ta hopi satisfecho un biaha mas cu un campaña exitoso caminda a conscientisa e pueblo di Aruba na un manera creativo tocante e Derechonan di Mucha.