Por a constata cu durante siman e cifra di detencion a conoce un caida drastico na un minimo di cinco persona, pero lamentablemente diabierna no tabata e caso.
Cifra a bolbe aumenta y informacion cu Cuerpo Policial a suministra a indica cu a registra 13 detencion durante anochi di april 3.
Entre e detencionnan di TDQ por a sigui algun live durante cobertura di 24ora.com , algun di nan a tuma luga na Pal’i Lechi straat Ponton ( Prome Detencion ) , Pastoor Hendrickstraat San Nicolas ( 3 persona den auto ) , Brazilstraat 42 i , Camaristraat Dakota, Solito, Sero Biento, Madiki 18 y Driemasterstraat, Sabana Basora. Tambe a registra molester di brommer den area di Ponton y tambe persona den area di Corte den John G. Emanstraat na Playa cu despues a detene na Dominicanessenstraat como tambe detencionnan cu a tuma luga bandi Ford Zoutman, Caya St. Thomas y Carnival Village.
Pa locual ta trata e Toque de Queda, esaki lo keda na vigor te cu dia 20 di april si no bin cambio adicional di parti di Gobierno di Aruba.
