Comercio: Gobierno ta sigui aumenta impuesto SIN corta gasto!

Presidente di Camara di Comercio, Kawish Misier, a comenta cu nan, hunto cu gremio comercial durante di e stakeholdersessie, a bisa Gobierno cu prome cu nan aumenta cualkier impuesto of cualkier impuesto nobo cu ta bin acerca, cu Gobierno tin cu mustra cuanto nan a baha nan mesun gastonan. Awo nan no a mustra esaki ningun biaha cu nan a baha nan gasto of kita hende. Esey ta nifica cu e ta un aumento extra. E number 1 causa dicon negoshinan ta cera ta e high cost of doing business. Esaki ta haci’e mas caro pa haci negoshi!

Un comerciante, si e tin mas gasto, e ta bay hisa su prijsnan, esey ta nifica cu na fin di dia esaki ta un medida riba pueblo tambe. Kiermen tur cos ta bira mas caro pa pueblo y si pueblo no por pag’e, despues e comerciante no por genera suficiente fondo cu tin efecto cu despues e comerciante tambe ta cera su porta.

Cualkier gasto adicional ta contra di dje. Atrobe, no a haya e plan oficial y tampoco no a wak ningun reduccion. Esaki ta locual cu a lesa den medionan di prensa. Pero ta spera cu tin otro cosnan pa compensa esaki.

Tambe por a scucha den medionan cu a sak’e for di IMF, cu IMF a recomenda esaki. Sinembargo IMF tambe a recomenda pa baha e gasto di personal. Esey ta nifica cu nan ta cherry picking cua recomendacion di IMF nan ta uza y un biaha mas nan tin cu baha nan gasto y esey ta e unico solucion duradero pa Aruba pa sali for di debe.

Loader Loading…
EAD Logo Taking too long?

Reload Reload document
| Open Open in new tab

Download [20.92 KB]

Zowiezo Camara di Comercio kier pa gobierno tin un balanced budget of un surplus. Pero e mester bay den un manera cu nan ta baha nan gasto y no keda hisa impuesto. Dia 1 di januari tambe ta bin cu minimum loon ta subi y esey no tin ningun efecto, si e comerciante hisa su prijs.

E dificil ta, cu e comerciante ta bay hisa su prijs, door cu tur cos ta bira caro. Door cu ta hisa e minimum loon, cu ta mas gasto pa e comerciante, cu tin cu hisa su prijs. E ta un ciclo cu ta negativo y pa kibra e ciclo ta pa Gobierno bin cu un “Reforma Fiscal”, cu te dia di awe ta un gran misterio!

Esey nan tin cu bin cun’e. Nan tin cu reforma e sistema y no bin cu mas aumento di impuesto of cu impuestonan nobo.