Comerciantenan Uni a kere cu sigur nan lo a sinta awe den e encuentro di Departamento di Impuesto, Departamento di Duana y Ministernan Wever y Maduro, pa por tende kico ta e plannan pa cu Reforma Fiscal. Pero locual nan a haya di tende awe ta loke IMF a conseha Gobierno, pues hechonan conoci pa tur hende caba. Nada di cambio den BBO, Bronheffing ni e formula exacto cu lo aplica pa cobra Sugar Tax riba tur likido cu ta contene sucu den dje.

Frans Ponson di Comerciantenan Uni a lamenta cu Gobierno no a bin suficiente prepara ni cu informacion alcaso pa presenta na comercio. E ta dificil pa bay opina riba locual IMF ta pensa di nos economia. E comerciantenan kier pa Gobierno bisa nan kico ta nan plannan concreto, pa asina nan bay bek na nan miembronan, pa asina por regresa cu un mandato. Pero na su luga Goiberno a pidi e comerciantenan pa den 10 minuut opina riba locual a presenta nan nan den sala, pasobra tempo no ta na fabor di e reforma fiscal.

Comerciantenan Uni: Ainda Gobierno no a presenta e pakete completo

Comerciantenan Uni: Ainda Gobierno no a presenta e pakete completo

Posted by 24ora on Wednesday, September 4, 2019

Di otro banda, e conocido comerciante Francis Saladin di Frasa Trading, alabes tambe di Comerciantenan Uni, a puntra su mes cu si Gobierno no ta sigur ainda cu si lo keda cu BBO of lo cambia pa VAT of un Sales Tax, pakico ta insisti e ora pa kita e impuesto for di recibo. No ta miho dicidi finalmente cua formula lo sigui uza pa cobra prome cu haci cambio? E comerciante lo a prefera pa por a haya un splicacion completo di e reforma fiscal awe, sinembargo ta solamente di Sugar Tax so a papia di dje y sin cu tin un decision sigur di e rumbo cu Gobierno kier tuma.

Francis Saladin: Pakico kier elimina BBO for di recibo si ainda Reforma Fiscal no ta cla

Francis Saladin: Pakico kier elimina BBO for di recibo si ainda Reforma Fiscal no ta cla

Posted by 24ora on Wednesday, September 4, 2019

Gobierno a pone dos dia completo pa reuni cu gremionan comercial riba e tema aki den Renaissance Convention Center. Mañan diahuebs e reunionnan lo continua, den cual lo suministra mas informacion riba e cambionan den nos sistema fiscal. Hecho ta cu e cambionan aki mester drenta na vigor dia 1 di januari 2020, pero ainda falta pasa Parlamento, pa despues entreg’e na Duana y DIMP pa su ehecucion.

Comments

comments