Comerciantenan preocupa a reuni riba diferente punto cu ta algo preocupante grandi den comercio. Den e ultimo dos siman nan no ta scucha nada di e problemanan cu a surgi pa lunanan. E comerciantenan kier di gobierno un claridad y deseo.
Nan kier sa si e deseo di gobierno ta pa tin un miho deal cu Hulanda of ta desea di yega na placa internacional pa drecha e situacion. Frans Ponson, representante di Comerciante Uni Aruba (CUA), a bisa cu nan no kier discuti cu gobierno cua di dos ta miho na e momentonan aki, pero kier un claridad kico ta bezig cu ne. Tin diferente punto cu CUA kier sa, pero specialmente cuanto tempo lo bay tarda.
Desde comienso di e pandemia aki, hopi comerciante a cera. Pero tin hopi comerciante ta cana riba un linea y nan no sa unda pa bay. Tambe e comerciantenan no sa si mester cera of tene nan negoshi habri, pero loke si a tende ta cu paisnan cercano a firma cu Hulanda. El a indica cu pa dos siman no a tende nada y cu algun media a bisa di un firma cu Hulanda luna pasa. Tur e cosnan aki ta trece incertidumbre cerca e comerciantenan.
CUA kier pa gobierno aclaria unda Aruba ta para y si tin negociacionnan andando. E comerciantenan miembro ta trahando riba nan lista di ideanan. Segun Ponson, ta trata di diferente sector y tur ta trahando riba un documentacion pa present’e.
