Comerciantenan preocupa: Medidanan cu gobierno ta imponiendo ta kibrando comercio

E townhall meeting a bay basta bon. A bin varios punto dilanti y e preocupacion mas grandi ta, cu tur e medidanan cu gobierno kier impone, ta kibrando comercio.

Segun Rudy Smith, gobierno por trata di implimenta mas belasting, pero ta realisa cu mañan ta keda sin entrada, pasobra no tin comercio y turista mas na Aruba. For di unda lo bay coba e ora.

Comerciantenan preocupa: Medidanan cu gobierno ta imponiendo ta kibrando comercio
https://24ora.tv/2mg96h7

Posted by 24ora on Thursday, September 12, 2019

Sugerencia

Sugerencia cu Smith tin pa gobierno ta, pa nan cuminsa realisa y baha gasto. Realisa cu comerciantenan no ta pa keda ranca y nan ta produci placa manera cu gobierno por haci, cu ora e tin perdida, ta hisa belasting. Comercio, ora nan tin perdida, tin cu tuma medida. Mester baha gasto. Tin cu kita hende fo’i trabao, ya cu kier of no, pa por sobrevivi.

Esey, Smith ta kere cu gobierno mester realisa kico nan ta impone riba nan awor aki, cu si mañan e desempleo ta bay crece bira hopi grandi, si turismo ta bay baha, di kico nan ta come. Unico cos cu gobierno kier gana e ora y di unda gobierno ta saca su fondonan. Si no tin comercio, no tin fondo. Si no tin turista, no tin entrada. Tin cu trece entrada for di afo. Por mira e ultimo añanan cu no tin inverisonista y ta mira gobernantenan ta na grandi ta fiesta, ta haci como sifuera cu no tin pa caba.

Y pueblo ta sinta ta sufri y ningun no kier mira con comerciantenan den secrecia ta sufri pa meet the ends, na final di luna. Esey ta un di e puntonan cu segun Smith, tur gobernante mester cuminsa realisa esey, cu situacion ta hopi dificil na Aruba y ta pesey tin hopi non-compliance. 

 

Simplemente no tin placa. Gasto di operacion,ta mucho halto. Si mira bon, gobierno ta gana mas placa cu e comerciantenan, cu tin cu produci e placa. Gobierno ta haya e placa sin e riesgo. Comerciantenan ta core riesgo cu mercancia daña of kibra, nan tin cu reemplase. Gobierno a cobra su belasting caba, delanta, hopi mas y ganando mas placa cu comercio, cu tin cu carga e riesgo di haci negoshi. Esey ta un punto cu tur gobernante mester realisa esaki bon, prome cu nan bay sinta pensa pa implementa mas belasting.

Cuminsa na wak unda bo por cremencha y haci bo grupo di ambtenaar mas eficiente. 

Preocupacion 

Raymond Slagt ta director di Vending Express situa na Dakota. Nan ta emboteya awa y ta traha juice y refresco den Baggin’ Box. Pronto nan kier a introduci boter di refresco. Pero mirando e situacion di Sugar Tax, a pospone e introduccion di refresco den boter. Cu hopi preocupacion a mira cu e Sugar Tax por obliga e empresa cera, pasobra nan ta bay tin un problema pa paga e accijnsnan cu gobierno kier bay exigi.

Vending Express, despues di Coca Cola, ta introduci mas baggin’ box. Nan ta supply un comerciante grandi na Aruba. Esey por costa nan entre 250 pa 400 mil florin pa luna na accijns, cu nan no por afford.

A papia cu e empleadonan y a bisa nan cu si e ley bin, ta obliga pa cera e negoshi.

Slagt a sigui splica cu tambe ta bay tin accijns riba producto diet, pasobra por cambia na luga di uza sucu, por uza sucrose, cu ta algo artificial. Eynan tambe tin accijns, segun Slagt. Por ehempel Diet Coke, Diet Pepsi, etc.

Nan no lo haya e 17 of 18 miyon florin cu nan ta aspira di haya. Pasobra hende ta bay bebe menos refresco? E comerciantenan, pasobra tin hende cu ta importa refresco, ta bay paga menos BBO, pasobra nan ta bende menos. E ta bay bira un boomerang effect contra nan mes. E no ta bay ta rendabel. Coca Cola tambe a menasa pa cera nan planta. Vending Express ta chikito, sinembargo Coca Cola ta un empresa grandi cu por manda 300 of 400 hende cas trankilamente. Aki tin mas problema pasobra no tin placa pa paga e hendenan aki.