Pa basta tempo barconan di fruta no por a drenta Corsou. Pero awo, waf na Corsou a tuma 8 barco di 10 cu a sali bay pa bende nan productonan. Segun capitan di un di e barkitonan, Jose Gregorio Navarro a splica cu nan no ta pas den e espacio asigna.
Nan a pensa cu namomento cu nan caba cu cierto trabao, nan por pas. Caminda cu nan ta mara, lama ta suta e botonan aki y nan ta ricibi daño, e nivel di lama tambe ta halto. E ta comenta cu ta spera cu nan caba mas pronto posibel pa nan por bay mara bek na e luga di custumber.
3 luna
Navarro, di un otro rosea, a conta cu nan tabata tin rond di 3 luna cu nan no por a yega Corsou. Nan tabata tin problema na Venezuela, caminda cu presidente Maduro a prohibi nan salida, pa motibo di mercancia ilegal, cu tabata bay pa Aruba y otro islanan. Pa motibo di esey nan no por a sali for di Venezuela.
Esfuerso
Nan mes a tene welga na Venezuela y a bringa e decision di e presidente. Nan no por a sali for di Vela de Coro pa Corsou y ni for di Tucaca pa Corsou y tampoco Punto Fijo pa Aruba. Nan mes ta yudando esnan di Tucaca pa nan laga nan bay pa Corsou, pasobra nan ta sostene e comerciantenan aki.
Carga pa Corsou
Navarro tin ya 30 aña cu e ta hacienda comercio cu Corsou. Nan a wordo gara di sorpresa e decision di e presidente. Ta algo cu e no mester a haci y perhudica nan trabao. Navarro a splica cu nuna nan no a haci nada ilegal. Tur tempo e presidente ta menciona “los barquitos, los barquitos, los barquitos.” Ta manera cu e presidente tabata tin un teima riba nan y nan ta wordo maltrata. Si algo pasa un otro caminda, mesora nan tin bista riba nan. Desde cu nan ta mara na e waf, nunca nan por bisa cu un di e barkitonan a mata un hende of a horta un hende. Esnan cu ta traha eynan, nunca nan a hiba nan cera, Navarro a relata.
Demanda
Mesora cu nan a trece fruta, nan no tabata tin ni mesa, ni lona, y nan no por traha den solo. Nan a haci peticion na gobierno pa yudanan den esaki, pero te dia di awe, gobierno no a haci nada. Nan mester a hiba tur cos na e supermercadonan. Nan mes lo bay purba di bin cu esakinan.
E frutanan
E frutanan cu nan ta bin den e barquitonan, nan ta bende tambe cu e supermercadonan y tambe pa publico, pa asina nan no rabia. E frutanan cu nan a bin cun’e, enrealidad ta pa publico. Pero den e caso particular aki, nan a hacie pa publico y supermercado.
Nada ainda pa Aruba
Navarro a comenta cu pa Aruba ainda no tin salida. Awo nan ta bringando pa laga esnan di Tucaca bay pa Corsou. Nan no ta mishi mes pa Aruba, pasobra hopi cos ilegal ta drenta. Loke ta ilegal, ta cosnan cu nan ta horta, manera kabelnan di koper cu nan ta transporta pa Aruba, cual ta material nan strategico. Pesey mes nan no kier pa e barkitonan drenta Aruba.
Dependencia
Tin hopi trahado ta depende di esaki. Cada barquito tin 10 trahado. Nan ta en total di 45 barquito.
Peticion
Nan ta drentando. Loke nan tin mester ta pa nan laga nan drenta bon. Nan ta paga bon pa nan tey eynan. Nan ta paga tur belasting y e agencia ta cobra nan 1200 florin pa tey eynan. Mas loke nan ta trece di carga. Nan ta paga en total mas di 2000 florin.
Anticipio
Loke tambe nan tin mester, ta pa drecha e waf, unda cu nan ta mara, nan barquitonan ta ricibi daño.
Duracion
E ruta di Venezuela pa Corsou ta varia entre 8 y 9 ora di transporte. Na Corsou e diferente trahadonan Venezolano cu a bay Corsou den e fin di e siman aki, mester a bay un reunion unda cu nan a trece e hecho di Monumenten Zorg, pa asina nan por bende nan productonan cu e publico consumidor.
