Comerciantenan contento cu a wak hopi hende den Caya Grandi

2148

“Black Friday” no tabata mesun bon cu aña pasa, pero e no tabata dje malo ey toch,” segun un comerciante den caya grandi. Tumando den consideracion e pandemia cu e isla a pasa aden, e no tabata malo.

Comerciantenan contento cu a wak hopi hende den Caya Grandi

Comerciantenan contento cu a wak hopi hende den Caya GrandiClick e link pa mas:http://24ora.news/2KE2epI

Posted by 24ora on Friday, November 27, 2020

Comerciantenan sigur ta contento si cu e reaccion di e consumidor, dunando varios descuento den nan tiendanan. Hasta algun di e comerciantenan a bin cu extra trahado pa por yuda e consumidornan.

Naturalmente a tene e precaucionnan di distanciamento social, uzo di hand sanitizer y tambe uzo di tapaboca, cumpliendo asina cu e protocolnan estableci.

Pa loke ta e proximo aña pa 2021 e lo ta un bon aña. Hendenan a siña di e pandemia, siña spaar mas placa, pero na e mesun momento, gasta den cosnan cu mas nan tin mester.

Caya no tabata mucho activo, sinembargo awo cu Black Friday, esaki tabata net bo loke pueblo tabata tin mester, cumpra cosnan economico pa nan por tin nan regalito, apesar di e awasero torencial cu a tuma luga durante e dia di awe.

Tur tienda a haci nan promocionnan y a anuncia nan descuento cu a haci cu e publico consumidor a sa di bay den caya, pa asina nan probecha di e prijsnan abao.

Comerciantenan ta spera pa nan sigui bende durante fin di siman y reactiva caya grandi.