Comerciantenan chikito cu entrada menos di 84 mil no ta paga BBO, BAZV ni BAVP

2378

Den un conferencia di prensa di Departamento di Impuesto a papia di fechanan importante cu ta yega cu ciudadanonan mester tene na cuenta.

Un di e promenan ta cu dialuna awo, 30 di november ta vence e fecha pa entrega di e formularionan di Winstbelasting. Riba e fecha aki e comerciantenan mester cumpli cu pago di e belasting aki tambe.

Tambe a finalisa awe e ayudo cu DIMP a ofrece na personanan 60+ pa yenamento di formularionan di Inkomstenbelasting. Esaki a resulta den un exito atrobe, segun Luenne Pieters, director di DIMP a duna di conoce. Na mesun momento el a recorda cu a pospone e fecha di entrega di e formulario aki pa fin di februari awo.   

Comerciantenan chikito cu entrada menos di 84 mil no ta paga BBO, BAZV ni BAVP

Comerciantenan chikito cu entrada menos di 84 mil no ta paga BBO, BAZV ni BAVP

Posted by 24ora on Friday, November 27, 2020

El a recorda e comerciantenan chikito cu den e Alivio Fiscal no. 2 a regla un areglo di pago pa comerciantenan chikito. Un di e cambionan cu a bini cu ne ta cu comerciantenan chikito cu tin un entrada te cu 84 mil florin, no mester paga BBO, BAZV ni BAVP mas. Na momento cu nan surpasa e suma di entrada aki, ta paga e belastingnan ey pero solamente riba e diferencia. Pues si tin un entrada di 90 mil florin, e belasting di BBO ta wordo paga riba e 6 mil florin di diferencia. Antes tabata cobra e belastingnan aki riba entrada di 12 mil florin. Tur esaki ta pa duna un impulso di economia di Aruba.

Tur comerciante chikito cu a lanta nan negoshi e aña’ki, 2020, mester recorda cu e fecha final pa entrega peticion pa bini na remarca pa e Alivio Fiscal no. 2 ta 6 di december. DIMP mes lo tuma contacto cu tur e otro comerciantenan chikito cu ta registra caba. Casi 2800 comerciante chikito ta bini na remarca pa e Alivio aki.

Otro cambio ta cu e formulario di BBO ta solamente un bes pa aña ta haya e formulario aki y no mester entregue tur luna.

No ta acepta cash mas sino solamente na e sede principal na Camacuri, unda cu tin dos loket so. Esaki lo ta e maneho cu ta sigui den 2021.