Comerciante riba beach ta reacciona riba posibel reintroduccion di medida pa Covid-19

1580

Den combersacion cu personanan den e area turistico, a papia cu entre otro comerciante y turista pa asina haya un bista riba kico ta nan pensamento relaciona cu medidanan preventivo di  re-introduci riba nos isla despues cu a habri frontera.

E sector turistico cu ta e unico pilar economico cu nos isla ta depende di dje, a pasa den un golpi hopi fuerte durante temporada di e “lockdown” cu net a cuminsa haya un bida bek y ta lantando cabes, pa awor ta papia di bin cu medida un biaha mas.
Segrio Theolindo Maduro propietario di I Love Tuts ta di opinion cu medida no ta algo malo pa tuma, pero ta algo cu mester evalua.

Comerciante riba beach ta reacciona riba posibel reintroduccion di medida pa Covid-19

Comerciante riba beach ta reacciona riba posibel reintroduccion di medida pa Covid-19

Posted by 24ora on Tuesday, August 4, 2020

Prome cu tuma cualkier medida lo mester a bin acerca e companianan y asina haya un idea kico ta e lucha diario pa sobrevivi.
A pasa den algun luna hopi duro cu mester a cera negoshi y cu apenas a cuminsa traha bek y ta saca un tiki placa pa paga gasto, awo ta haya nan confronta cu ta bay re-introduci medida. E tiki cu nan ta produci no ta yega, si bin cu mas medida anto e ora tin cu shutdown e negoshi. Actualmente mes no tin bida riba e beachnan, y si bin cu mas medida lo no sobrevivi e problema cu tin.
Tambe a combersa cu Michael Gurley cu ta bishitando nos isla na e momentonan aki. E ta di opinion cu aunke e situacion ta pone cu nos mester ta preocupa pero personalmente e mes no ta preocupa mirando cu e isla a tuma basta medida di precaucion for di inicio. No solamente pa protege e bishitantenan pero tambe e comunidad / trahadonan particularmente.

A tuma nota di mask y distanciamento social. Pa locual ta e testnan adicional cu ta haci pa bin Aruba ta pone nan como turista sinti nan mes sigur riba nos isla. E lo sigui recomenda hende bishita nos isla, sigui e protocolnan cu no ta dje dificil ey y aunke e cantidad di bishitante no ta dje halto ey ainda cual no ta beneficioco pa nos isla, e bishitantenan tin cu djis tene nan mes na recomendacionnan. Mas precaucion y cada persona cuida su mes un poco mas mirando cu nos ta den risico ta loke cu Ana Isabel Montalvo, kende tambe ta disfruta di nos beachnan, a recomenda. Na e momentonan aki niun hende sa ken ta infecta of no, lo ta consehabel pa sali lo menos posibel, tene nos mes na e peticion pa bisti mondkapje y higiena personal pa asina evita cualkier contagio.