Colonia Dominicano a celebra dia di La Birgen di Altagracia

    235

    Diaranson ultimo e Colonia Dominicano a celebra dia di La Birgen di Altagracia cu un Santo Sacrificio di Misa na San Francisco na Playa. Ramon Isidro Tavarez, un di e lidernan di Equipo Azul PRM Aruba, den nomber di e Dominicanonan, ta gradici e gesto di solidaridad cu a brinda nan riba e dia special aki. E ta sigui conta cu esaki ta un cultura di Republica Dominicana. Mas di 70 aña cu e colonia ta haciendo e tradicion aki y e prosesion di diaranson a keda sumamente bunita. 

    Ta satisfecho pa e apoyo di parti di e colonia Dominicana en especial, pero tambe tur hende Latino y local na Aruba, tambe a pone di nan parti pa celebra e hecho aki. E misa riba su mes a keda hopi bunita dorna pa e ocasion aki, cual hecho Tavarez a expresa su gratitud.

    Colonia Dominicano a celebra dia di La Birgen di Altagracia

    Colonia Dominicano a celebra dia di La Birgen di Altagracia. Click e link pa mas https://24ora.news/3c4UIQu

    Posted by 24ora on Friday, January 22, 2021

    E ta yama un danki, di parti di Equipo Azul PRM Aruba, cu ta algo cu nan no por laga pasa y ta invita tur hende pa dia 26 di januari, riba dia di natalicio di Juan Pablo Duarte riba e Plaza di Bandera, unda cu ta bay tin un ofrenda floral for di 9’or y mey di mainta pa 10’or y mey.

    Ta invita tur esnan cu kier participa ta bon bini. “Esaki ta e principio. No por perde e custumber, ni cultura”, Tavarez a bisa por ultimo.