Colegio San Augustinus ta e siguiente scol cu SETAR a bishita pa wak e progreso na e projecto Island of the Future – Agriculture, y un grupo di alumno ta trahando duru pa presenta un tremendo projecto pa e Hack-A-Ton di SETAR.
Nan a scohe pa usa e sistema “hydroponic” unda ta combina agricultura di berdura y fruta hunto cu pisca y elementonan electrónico manera un pomp.
E piscanan (Tilapias) ta keda poni den un container grandi di awa y nan ta produci amonia, e awa ta wordo manda via un pomp pa otro container. E awa cu filter, ta tranforma e amonia den nitrate & nitrite. E ingrediente aki ta bai bek pa e matanan cu ta usa esaki como nutricion.
Ta pone e matanan den containernan di plastic transparente cu klei y piedra. E klei y e piedra ta filtra e awa cu ta bin for di e matanan bek na awa limpi, cu ta pasa bek den e container di piscanan.
Esaki ta forma un circulo unda e pisca y mata ta duna otro nutriente pa crece. 6 studiante di Colegio San Augustinus ta encarga cu e projecto aki bou di direcion di nan maestronan.
Otro studiantenan voluntario durante nan pause y despues di school ta yuda cu e contruccion y transportacion di materialnan. Tur informacion cu nan a buska ta di riba internet y hunto nan ta busca pa solucionnan nobo mientras nan ta trahando como un team confrontanto cu retonan cu e projecto ta trece. SETAR ta contento pa mira e entusiasmo cu tin entre e muchanan di e diferente scolanan participando y riba e potretnan por mira e muchanan den accion trahando riba nan projecto na Colegio San Augustin
