Colegio San Augustin a gradici su alumnonan cu a forma parti di e diferente teamnan cu a sa di titula campeon den 3 diferente deporte.
Diamars tabatin un actividad cortico caminda cu a gradici e alumnonan aki pa nan aporte y pa engrandece e nomber di nos scol.
Pa cuminsa nos kier a gradici IBiSA pa organisacion di e weganan escolar. Nos kier a duna un palabra di danki na docentenan Patrick Lejuez y Brenton Croes cu a prepara y guia nos alumnonan y na tur mayor cu a coopera durante e dianan di training.
Mas cu claro un pabien na nos alumnonan campeon cu ta Gregory de la Cruz, Roderick Tromp, Shamil Koolman, Marco Vrolijk, Yong Heng He, Millien Millien, Robert Gutierrez, Lamar Phillips, Hebreux Joseph, Benjamin Blijden, Santiago Gomez-Ramos, Giandrick v/d Berg. Danki un biaha mas y masha pabien, nos ta orguyoso di boso!
