Colegio San Augustin a celebra Himno y Bandera na un manera unico

Scolnan na Aruba a sa di bin cu nan propio actividadnan mara rond di e celebracion di Himno y Bandera. Muchanan ta bin cu nan trahenan tipico of e klas ta bin cu nan tema pa e momento ey. Hasta tin scol, manera ta e caso di St. Paulus School y Colegio Santa Teresita a bin cu un marcha cultural.

Colegio San Augustin a celebra Himno y Bandera na un manera unico

Colegio San Augustin a celebra Himno y Bandera na un manera unico

Posted by 24ora on Thursday, March 21, 2019

Den e caso di Colegio San Augustin, nan a haci e celebracion di Himno y Bandera di tal forma cu e muchanan ta haya un puntuacion pa esey, yudando nan asina cu nan raport.

Juffrouw Lisette Werleman, docente di N&T y den e actividad aki e ta forma parti di e comision di celebracion di Himno y Bandera.

E ta conta cu e actividad tabata un exito y contento cu publico cu nan a ricibi. E alumnonan tambe a duna miho di nan parti. Nan a sorpresa e docentenan manera tur aña, tanto riba escenario como e alumnonan cu a presenta nan cuminda. Nan a prepara nan mesanan masha bunita mes.

E alumnonan mes a prepara nan plato. E idea tabata pa nan mes haci propaganda pa nan cuminda. E leerdoel tabata pa nan bin cu un negoshi propio y kico bo por haci den un negoshi propio y con bo ta propaga e producto.

Werleman a splica cu nan a celebra hunto e Himno y Bandera unda cu e muchanan a baila, cual por bisa cu ta un proyecto cu ta acapara N&T. CKV, cual ta cultura, baile y tambe papiamento. Ta pa e motibo aki mes nan a haci nan poesia prome, pa nan haya nan puntuacionnan den papiamento. Nan a entrega tambe caba un folder pa N&T y na final ta hacie baile, pa CKV. E ora e ta bira un solo cifra. Esey ta pa loke ta trata e muchanan di 1ste klas.

E muchanan di 2de klas, nan a prepara un proyecto tambe, cu a bay hunto cu economie, caminda cu nan mes mester a calcula nan prijs, cuanto e producto ta bal.

E actividad tabata tin su leerpunten mara na dje.

E comision ta gradici tata Dios, cu sin dje no tin nada posibel, e coleganan, e team cu a percura pa por a haci tur cos riba e anochi aki pa nan ta na nan luga. Tambe e alumnonan cu a traha duro pa nan presentacionnan. E mayornan cu a colabora masha bunita mes. Sin lubida prensa y tambe e sponsornan cu a duna un man.

Comments

comments