Colegio San Antonio a tene su ciere di Carnaval en grande

Despues di un siman di CP, muchanan di Colegio San Antonio a clausura e temporada cu un fiesta di Carnaval. Parti mainta tabata tin les y desde 10’or y mey a cuminsa cu actividad den klas. Cada klas a haya un opdracht pa traha un disfras, un headpiece y tambe un beker pa decora. Cada grupo a haya un tema.

E muchanan di 1ste klas a haya prikichi, 2de a haya trupial, 3de a bay bao di lama cu Lionfish. Examen klas a haya como tema Pisca cora.

Despues di esaki, e muchanan mester a presenta nan disfras. Tabata tin e campaña tambe di Famia Planea y Zion y su grupo a bin pa toca nan jingle. Despues di esey a honra e muchanan cu a participa den e temporada di Carnaval. Tabata tin entre otro Xenon Daal tumberito actualmente, Anais kende tabta reina Hubenil, Juffrouw Hernandez y tambe Dwayne cu ta prins y pancho actualmente.

Fuera di esey tabata tin e muchanan cu a balia cu Juffrouw Hernandez, kende a bin cu e premio di bestshow y tambe e brassband. Brassband di scol tambe a haya un reconocimento y un medaya pa nan participacion den e periodo aki.

Dado momento mester tene cuenta cu kier trankilidad den scol. Tabata tin e periodonan druk, caminda cu tabata tin eleccion. Despues a percura pa tur cos ta trankil. Pesey e parti di homenahe a lag’e pa diabierna.