Colegio Pastoor Kranwinkel a celebra dia himno y bandera cu fietstocht

Diabierna mainta Colegio Pastoor Kranwinkel a celebra dia himno y bandera cu nan actividad di fietstocht. Hopi mucha a bay scol cu nan bais pa participa, mientras cu otronan a keda scol.

Bou guia di polis a cuminsa cu e fietstocht. Pa algun aña caba Colegio Pastoor Kranwinkel ta organisando e fietstocht y e muchanan ta gusta esaki.

E muchanan a pasa un mainta dushi acompaña cu musica, unda cu nan tabata core bais pa bay Casibari y despues bek pa scol. No solamente nan tabata acompaña pa maestronan, pero tambe algun mayor a yuda coriendo bais of cu pick up. E muchanan tabata feliz di por a core bais y celebra e dia nacional di Aruba. Algun mucha a decora nan bais haciendo uzo di bandera, blaas, escudo di Aruba.