Tabata un dia special pa Leo de Hertog. E ta contento cu minister di Enseñansa ta mira e situacion na varios scol. El a conta cu nan a bay na Cacique Macuarima.
Tambe nan a bay Emmaschool y tambe na Colegio San Antonio. Por ultimo nan a bay Colegio Ora Ubao, unda cu tabata tin practicamente nada. E ta asina contento cu via nan fundacion Sport 4 Youth di por yuda e scolnan.
Reaccion di e scolnan
Solamente felicidad por a mira den e scolnan. Ora cu a drenta den gymzaal na Ora Ubao, e juffrouw tabata bezig cu wega abao. Pero mester por bula, gatia, etc. y esey no tabata tey. Ta haya falta di esey na e scolnan y ta spera cu den futuro por sigui cu esaki. Nan tin e posibilidad via Hulanda pa haya e materialnan di gymnastiek aki.
E siguiente container
Awor aki tin un container di 20 pia di pañanan cu nan a haya di KNVB cu ta bay na e stichting y esey hunto cu demas material, ta mandanan na paisnan den oost pa luganan cu tin mester y na su turno ta manda bek containernan cu material di gym. A haya un sponsor pa e prijs di transporte.
Tur cos ta por nada, for di e fundacion Sports 4 Children te cu Aruba, ta por nada.
Lista largo
De Hertog a splica cu e kier haci un bon inventario di e scolnan cu tin mester. E mester ta un pakete basico di material, kico cada scol tin mester. Tin tambe scolnan manera St. Aloysius cu no tin absolutamente un gymzaal. Kier mira ki posibilidad pa combina e scolnan pa por uza nan gymzaal y pa tur hende riba un bon manera por haci gym na scol.
