Colegio Ora Ubao ta purba stimula deporte mas tanto posibel

Minister dr. Lampe y dirigentenan na Stichting Sports 4 Youth tabata na Colegio Ora Ubao y e cabesante di e scol, Ivan Croes, a splica cu awe tabata un dia hopi special, vooral pa e muchanan cu e materialnan deportivo a yega.

Ta purba di stimula deporte mas tanto posibel den scol, pero si bo no tin e material, bo no por varia. Esey ta e importancia awor aki cu e material cu tin awo, por combina e lesnan di gym na diferente manera. Pa e muchanan tambe ta full diferente, pasobra nan ta custuma cu bala, etc., e materialnan cu nan tin. Pero loke nan a haya ta un toke mas special cu por trece un cambio den educacion fisico.

Con activo ta na scol

Croes a splica cu ta hopi importante educacion fisico. No ta solamente e mucha mester tin e parti cognitivo, pero tambe mester tin un rato cu e por desaroya su mes. Bo tin e chikitonan cu ta train nan den e parti motorico y e grandinan tambe siña hunga cu otro. Na scol ta stress hopi riba e parti eynan.

Lista di deseo di scol

Si bay bestel e materialnan cu nan a haya, e no ta yega pa cumpra otro materialnan cu ta necesario den klas. E materialnan aki no ta yega na nan door di e falta na placa. Segun Croes, manera cu a haya esakinan, por bisa cu ta hopi placa tin aden. Si mester a cumpra nan nobo, esaki no lo ta haalbaar. Tin cu wak e necesidad prome den klas kico tin y eseynan ta haya prioridad. Lamentablemente e parti di gymzaal, e materialnan tin cu cay afo tin ora.

Ken a acerca e scol

Leo de Hertog a acerca e scol aña pasa, cual ta un idea tremendo. Ansioso pa sa ki dia e ta yega y awo por fin e dia a yega. A anticipa e muchanan cu lo ta hayando material y nan a keda hopi contento.