Colegio Laura Wernet-Paskel cu un ambiente fenomenal na Kadushi Largo

Diabierna 14 di Februari muchanan di Colegio Laura Wernet-Paskel na Kadushi Largo, pa di 41 aña a celebra Carnaval cu un parada hunto cu scolnan den bario.

A cuminsa cu e celebracion mainta cu e eleccion di figuranan carnavalesco, pa despues atardi subi caya cu e parada. Un massa di hende para na banda pa asina apoya e muchanan di scol, tremendo sosten di e bario di Sta Cruz

Aproximadamente 5.30 or di atardi a subi veld di Sportboys club y termina na e parkinglot di Colegio Laura Wernet-Paskel. E parada a sali bira na Angochi bin pabou te na e crusada di Sero Compa y Kadushi Largo, bira na bo man drechi, bay den direccion di scol.

Colegio Laura Wernet Paskel tin como tema e aña aki:‘Diamonds, Flowers, hearts & spades, that’s how we celebrate’ . Alumno y docentenan sigur a difruta enormemente di e celebracion y ta gradici tur cu a haci e dia aki posibel.