Colegio Laura Wernet-Paskel contento cu nan borchinan digital

Ya Colegio Laura Wernet-Paskel tin basta tempo nan ta recaudando fondo pa por innova enseñansa. Juffrouw Bernadeta Figaroa-Geerman, conoci como juffrouw Eta, cabesante di e scol, a splica cu nan tabata tin un suma cual a crece bira grandi. Nan no a haya e sistema cu ta pas miho cu enseñansa toch awendia.

Hopi opcion tabata limita pa e scol y un di e limitacionnan cu Juffrouw Eta tabata haya como directora y experiencia como maestra, ta interaccion entre e maestro y e alumno.

Juffrouw Eta ta gradici St. Dominicus College, tanto na su cabesante, Juffrouw Carolina y Mario Lobo, nan a haya un sistema nobo, caminda cu Juffrouw Eta y e docentenan a bay y a haya un splicacion. A sinti cu esaki si ta algo cu por traha cun’e, cu ta specialmente riba enseñansa.

Colegio Laura Wernet-Paskel contento cu nan borchinan digital

Colegio Laura Wernet-Paskel contento cu nan borchinan digital. Click Link pa mas https://24ora.tv/2zm2l0x

Posted by 24ora on Tuesday, August 20, 2019

A bin logra di cumpra cuater screen. Nan tin 12 klas, pero por a pone den 5de y 6de e screennan aki funciona e aña aki. Nan ta hopi contento y tin cu bisa cu SKOA a yuda hopi bon den vakantie. Meneer Ryan di SKOA a bin pone y a ahusta e screennan. Tambe a gradici meneer Albertus, IT di SKOA cu a yuda den vakantie cu e scol por a cuminsa cu e screennan.

Colegio Laura Wernet-Paskel no ta e unico scol cu tin screen. St. Dominicus College tin screen y tambe Cacique Macuarima lo ta e scol piloto pa e screennan aki, cual porcierto a sali den prensa.

Juffrouw Eta a splica cu nan ta haya di e experiencia di e scolnan aki, pa loke ta e smartboardnan.

Beneficio

Juffrouw Eta a splica cu por trece cos actual di biaha den cas. Por mira color tambe. Ta papia di algo y no mester copia un plachi mas. Ta subi Google of Youtube y bo ta mustr’e na e muchanan, noticianan di awendia cu ta actual, bo por yam’e. Tambe e muchanan ta pone mas atencion. Bo por mira cu e ta yama nan atencion. No por keda na borchi, na krijt. Mester cuminsa cambia y sa cu Gobierno no tin e placa necesario pa inverti y mester cuminsa move te caminda cu por. Ta haya cu nos muchanan merece un miho enseñansa y ta haci esfuerso den esey, segun Juffrouw Eta.

Costo

Juffrouw Eta a comenta cu e cuater screennan aki ta costa mas of menos 25 mil florin, esey ta tur material cu ta bin acerca pa pone e borchinan aki.

Mas borchi

Si sigui haya cooperacion di mayornan y tin cu bisa aki no ta por nada ta haci fundraising. Ta pa e motibo aki ta gradici tur mayor cu a bende rifa, cu a yuda cu sponsorloop y yen di bendemento di sopi, como tambe Comision di Mayor cu a duna un man. Esaki ta pa e muchanan. Juffrouw Eta a comenta cu tin pensa di bin un biaha mas cu un Bazaar di Pasco na december, pa sigui haya fondo pa logra haya mas screen pa e klasnan. E intencion ta pa tur e klasnan haya un screen.

E diferencia ta grandi

Juffrouw Amy Janssen-Herde di klas 6, ta mira sigur un diferencia entre un borchi tradicional y un borchi digital.

Ya pa algun aña Juffrouw Amy tin ta trahando pa e klas aki y tempo el a cuminsa, ta borchi cu krijt a traha cun’e. P’e mes e cambio ta grandi. E tin cu custuma pa uza pen, dede. Prome cu krijt tabata hopi mas facil. Sinembargo, e muchanan ta hay’e hopi mas leuk. Riba e prome dia di scol cu nan a yega, nan a bira sumamente contento y mesora a bira curioso. Por mira caba sin cu a realmente uz’e hopi, e muchanan ta hopi mas entusiasma pa loke ta e lesnan. E ta bay haci un influencia hopi grandi riba nan input pa loke ta e lesnan. Esey ta algo hopi great, segun Juffrouw Amy.

Apart di nan input, e intencion ta cu e por causa un bon resultado. Scuchando di e otro scolnan cu a uz’e caba, por mira cu e muchanan interes a bin mas hopi. Por mustra nan hopi mas facil, cu no mester bay pega beamer y yen di otro cos pa yega na un informacion. Asina aki por gana tempo den enseñansa cu tur cos ta bay direct. Por imagina cu esaki lo haci un influencia grandi riba nan puntonan tambe.

Comments

comments