Colegio Hilario Angela lo haya un aspecto diferente cu nan speeltuin nobo

Den cuadro di ArubaDoet, voluntarionan a presenta na scol basico, Colegio Hilario Angela na Weg Fontein y a cuminsa traha riba un speeltuin nobo. Esaki sigur lo ta un facelift totalmente diferente pa e scol.

E scol riba su mes den pasado ya a wordo adapta pa diferente compania. E biaha aki voluntarionan a pone man na obra, pa asina construi un bunita speeltuin pa e muchanan por hunga durante nan pauze di scol.

Maestronan mes a brinda un dushi plato di BBQ na e voluntarionan, kendenan no a duda di bin duna un man na e scol. Cu e cara nobo aki, ta duna e scol aki un cara nobo y sigur sigur ta contribui un tiki mas na educacion y alegria di e muchanan.