Minister demisionario di Enseñansa tabata na Colegio Hilario Angela pa presencia e curso di “basis bekwam Montesorri” p’e maestronan. Tin un docente di Hulanda cu ta encarga cu e curso aki. Esey ta den cuadro cu Colegio Hilario Angela t’e prome scol publico Montesorri.
Esaki ta basa riba e filosofia di Montesorri. Tabata tin un ceremonia unda cu a haci entrega na juffrouw Connie Hooft, kende t’e cabesante di Hilario Angela. A dun’e un estatua chikito di Maria Montesorri, kende tabata esun cu a funda e filosofia aki y awo rond mundo conoce e tipo di scolnan aki. Na momento cu Rudy Lampe a bira minister di enseñansa cuater aña pasa, un di su metanan tabata pa diversifica enseñansa.
“One size doesn’t fit all”, el a expresa. Minister demisionario di enseñansa a sigui splica cu no ta tur mucha ta fit den e mesun sistema tradicional Hulandes cu tin. Esey ta un motibo cu a bini entre otro na San Nicolas, cu dos proyecto. A scoge pa bin cu proyecto innovativo na San Nicolas, despues di a mira e bario, unda Hilario Angela ta tin hopi mucha cu menos recurso y tin di duna nan lo miho.
Pa cobertura mas amplio, lesa e edicion di TREMPAN mañan.
