Diasabra 25 di Mei lo tuma lugar na Colegio EPI Campus e prome competencia di canto entre tur nan studiantenan. Desde basta aña caba tabata plania con pa trece un show di talento unda ta duna cada studiante e oportunidad pa nan por expresa y demostra esaki.
Despues di basta deliberacion, porfin e dia a jega, Student Council di Hospitalidad y Turismo a cende e motor pa asina start cu e prome “THE VOICE” EPI Edition.Un total di 17 participante a inscribi pa e competencia aki. Lo ta bay tin dos categoria di participante, grupo A y grupo B. 
Tur participante a pasa dor di diferente fase durante e simanan cu a pasa, nan tabata tin e opourtunidad di hasi entrevista, saka potret pa poster, un “Live Jam Session” pa nan amigonan di klas por a wak un “sneak peak” kiko lo bay pasa dia 25 venidero. Tambe e participantenan tabata tin varios training cu e banda, y pa brinda un nivel di calidad, nan a hanja un idividual coaching session cu Juffrouw Gloria Vega, unda cu a pone enfasis ariba diferente aspecto cu un cantante mester ta na altura prome cu subi un escenario.
E participante nan ta como lo siguiente, Zaïna Falconi, Llizamara Laclé, Dorene Joseph, Natalie de Cuba, Brittany Trinidad, Gershwin Chundro, Michelle Fitz Verploegh, Mary-Jane Ras, Kyra Eugenia, Ragnield Penja, Gerline Heyliger, Michelaine Abreu, Jolina Salamatin, Soraine Leonard, Carlos Maduro, Nicole Garcia, Shania Alexander. Nos lo ta bay tin hurado cu ta conta cu gran popularidad den nos comunidad, artista nan cu taya mayor, bo NO por perde esaki. Tambe lo tin diferente otro atraccion mas durante e anochi cu lo ta un sorpresa.
Nos ta spera boso tur na Colegio EPI dia 25 di Mei. Bin y duna bo aporte na tur nos participantenan, y tambe disfruta di nos dushi bar y cushina cu lo ta disponibel pa publico.
Porta lo habri pa 7:30 di anochi, y entrada ta solamente 15 florin pa persona. (EPI Campus – Gate #9)
