Diabierna 5 di juli, e alumnonan di Colegio Arubano a busca nan rapport y asina a clausura e aña escolar.

E graduadonan di HAVO a festeha e dia ey tur cu tin na Renaissance Convention Center. E graduadonan di VWO a celebra tambe e dia anterior. Aña escolar 2018-2019 a yega na su fin. Riba diahuebs, 15 di augustus, scol ta yama e alumnonan atrobe bon bini, despues cu nan a disfruta di un vakantie bon mereci.

Despues di e resultado di herexamen, Colegio Arubano por a saca calculacion definitivo di e resultado di Examen Central pa 2019. Di 299 candidato pa HAVO, 70% a gradua. Esaki ta e mesun porcentahe cu aña pasa. Di e 123 examinadonan di VWO, 78% a gradua. Aña pasa esaki tabata 68%.

Siman pasa, tur conrector, mentor y docente a trata rapport di tur alumno di tur e klasnan di e scol. Akibou tin un compilacion di e resultado pa cada nivel, cu den e ultimo cuater añanan, ta refleha un imagen stabil.

Comments

comments