Colegio Arubano a start aña escolar cu 1610 alumno

Despues di un vakantie di seis siman largo, diahuebs ultimo dia 15 di augustus, un total di 1.610 studiante a drenta e portanan di Colegio Arubano pa e prome dia di les di e aña escolar nobo 2019-2020. Den e localnan, un cantidad di 93 docente tabata cla pa cera conoci personalmente cu nan y pa un introduccion di e lesnan programa.

Pa 193 alumno di prome klas di Ciclo Basico, e cura di scol y e localnan na e localidad EMMA ta completamente nobo. Pa nan esaki ta comienso di un fase nobo den nan bida, despues di scol basico.

E generacion nobo di Colegio Arubano; Ciclo basico 1 y 2

Igualmente pa hopi di e 320 alumnonan di HAVO-4, Colegio ta un ambiente nobo. E aña aki HAVO-4 tin un crecemento enorme, pa motibo di e admision di alumno cu diploma di MAVO.

Pa e aña escolar aki, un total di 312 alumno lo haci examen pa HAVO y 92 pa VWO. Aña pasa tabata tin 300 alumno cu a haci examen final pa HAVO y 123 pa VWO.