Aruba awe a cera conoci cu un concepto completamente nobo di koffie. E ta un bebida cu gran mayoria aki na Aruba ta bebe sigur un of mas biaha pa dia. Tin biaha na cas, oficina of ta sali pa topa cu famia of amistadnan pa bebe un koffie. Un establecimento nobo na Sabana Blanco a trece un concepto nobo pa Aruba.
E ta un establecimento unda simplemente a converti un bus den un coffee shop. A adapta e parti paden completamente pa por instala e mashinnan di koffie. Coffee on Wheels ta situa hopi cerca di e oficina central di Arubus na Wayaca.
Aunke cu e ta un bus cu un area chikito su dilanti, su servicio ta amplio, cuminsando for di 6.30 di mainta te cu 6’or di atardi. Nan ta bende tanto e tradicional koffie cayente como esun friu, Espresso como Frapuccino (den diferente sabor). Cada cliente por pidi su koffie espresso di Smith & Dorlas manera e kier, por ehempel cu caramel of hazelnut.
Naturalmente mainta nan tin algo pa desayuno manera pastechi, croquette y empanada. Den futuro lo tin mas opcion.
Den futuro ta bay tin drive-thru y tambe lo por yama y haci pedido pa despues djis pasa recoge.
Riba diabierna Coffee On Wheels tin un oferta special pa e clientenan. Yega na Coffee on Wheels y menciona cu bo a mira nan riba 24ora.com, y bo ta haya 50% di descuento. No lubida.
