Tur cos ta mustra cu coalicion lo perde nan mayoria den Eerste Kamer na Hulanda. Awe e ciudadanonan cu derecho por a vota pa “Provinciale Staten” y den luna di mei nan ta scoge e miembronan di Parlamento di Eerste Kamer.

Segun e encuesta na salida, haci door di e oficina di investigacion Ipsos, e partidonan di Gobierno VVD, D66, CDA y ChristenUnie ta cay den Senado, hunto, for di 38 pa 31 asiento: VVD ta baha di 13 pa 12; D66 for di 10 pa 7; CDA for di 12 pa 8 y ChristenUnie ta subi di 3 pa 4.

Fuente: NOS

Forum pa Democracia awo ainda ta den Senado, pero segun e encuesta na salida di areanan di votacion, Forum di un solo tiro ta yega na 10 asiento. Tin un triunfo mas grandi pa GroenLinks y uno pa chikito pa Partij voor di Dieren, 50 Plus en Denk. PVV y principalmente SP ta conoce caida fuerte. Ta calcula cu un 54% di esunnan cu derecho di voto a deposita nan voto caba (cuatro aña pasa e tabata 48 porciento).

Ipsos a acudi na 105 urna electoral y a puntra e votadonan riba ki partido nan a vota (75 urna tambe cu a wordo uza na Zuid Holland, Noord-Brabant y Gelderland y 30 otro plama riba henter e pais).

Fuente: NOS

E resultado di e exitpoll ta un indicacion di e resultado di e eleccion. Tin un margen di error di 1 asiento. Pues si partido X haya 5 asiento, en realidad e por ta 4 of 6 asiento.

Comments

comments