Awe mainta Parlamento di Aruba a cuminsa tratamento di e ley pa regla e cuentanan anual di aña 2016 di Gobierno di Aruba. Minister di Finansa, Asuntonan Economico y Cultura, mr. Xiomara Ruiz-Maduro a presenta e ley aki pa ricibi aprobacion. E cuentanan anual ta cuadra cu e presupuesto, deficit controla y e aña ey bahando y cumpliendo cu e plan. Ta parce cu e tema ta mas complica cu a mustra. Pa un bon rato e reunion ta suspende pa diferente reunionnan interno tumando luga den seno di e partidonan di coalicion.
Politicamente e no ta mes facil manera kisas e ta mustra di pafo. Fracionnan di coalicion lo tin problema cu e ley aki, cu ta estilo “damn if you do & damn if you don’t”. Cua rumbo cu tuma ora di votacion lo tin consecuencia politico.
Por ehempel, si sigui tradicion politico, e coalicion actual lo mester vota contra. Den e caso aki nan lo vota contra maneho di e Minister di Finansa actual, cu consecuencia cu e ta mustra un “brevet van onvermogen” contra tanto Minister Ruiz como Bikker, cu ta e dosnan cu a firma e ley. Di otro banda, mester tene cuenta cu na aña 2016 ainda Minister Otmar Oduber di Gabinete Mike Eman II, te cu november. Votando contra ta traduci su mes contra maneho di Otmar Oduber tambe.
Ta bib acerca cu un di e fraccionnan den Parlamento ta POR, cu Marisol Lopez y Allan Howell. Awe ambos lo mester vota “voor” of “tegen” maneho di nan lider Otmar Oduber den Gobierno di Mike Eman na aña 2016. E lo no ta un decision facil, pasobra di ambos banda por spera reto y consecuencia.
Si vota na fabor, lo ta un aprobacion p e maneho financiero di Minister Angel Bermudez di Finansa di e tempo ey. Politicamente lo no ta normal tampoco pa un coalicion MEP-POR-RED aproba maneho di AVP den aña 2016.
Observadonan politico lo sigui desaroyonan di e reunion aki masha di cerca, pasobra manera e titulo ta bisa, “coalicion den deadlock awe den Parlamento”.
