Clubnan di servicio cu donacion pa Flatstone

Kiwanis Club of Palm Beach a bini cu un proposicion cu a keda acepta pa diferente club di servicio. Kiwanis tur aña ta organisa un dia deportivo unda e diferente clubnan di servicio ta topa.

Nan ta haci uzo di Flatstone Ballpark. Aña pasa a surgi e idea pa combina e evento social cu un obra pa comunidad. E aña’ki a aserca e clubnan cu e proposicion pa haci un donacion na Flatstone y tur  participante na e evento social a bay di acuerdo.

E donacion aki a wordo haci pa e batting cage y luz. Hopi mucha ta haci uzo di e batting cage pero ora yega anochi no por sigui train pa falta di luz. Awo Flatstone cu ta wordo uza pa hopi team di mucha pa nan training a haya un solucion.

Deporte y Flatstone tin hopi necesidad di material y e donacion a yega na bon momento.