Club di dam Arowak ta organisa un simultaan riba diaranson 29 Januari unda tur hungador di dam aki na Aruba por participa.
E simultaan ta wordo duna door di nos campeón di Aruba di aña pasa cu ta Annelaine Jacobs.
Annelaine a representa Aruba den 2019 na Russia den e World Champion Women 2019.
Un simultaan den wega di dam, ta unda 1 hungador (den e caso aki Annelaine), ta hunga cu hopi hungador pareu, haciendo su zit na cada mesa. Tur hungador di dam por participa na e simultaan di dam aki.
Ta cuminza cu e simultaan diarason awor pa 7:00pm. Localidad lo ta den clubhuis na Nieuwstraat 11, Oranjestad sitúa den e edificio pariba di e plein unda e tram ta lora bay bek.
Ta invita henter pueblo hungador di dam pa bin midi forza cu nos campeón di dam di aña pasa den un simultaan. Bo tin un bentaha riba dje door cu e mester parti su atencion entre tur e weganan cu ta wordo hunga e anochi ey.
Na final lo check cuanto wega Annelaine por a gana, cuanto el a tabla y cuanto el a perde.
Ta invita henter pueblo hungador di dam pa bin midi forza cu Annelaine den un simultaan diaranson awor
