Directiva di Club Boneriano lo tene su di dos evento pa rescata nan edificio cu ta den masha mal estado. Lo bende cuminda pa por genera placa. No ta facil pa por yega na habri e club. Esey tabata e meta cu a bolbe bin cu un otro bendemento di cuminda Boneriano, segun presidente di directiva, Jane Soliana.
E gastonan ta considerabel. No por bisa e suma. Actualmente ta wardando riba un quotation y ta mirando con deteriora Bonaire Club a bay. Ainda nan no sa cuanto esaki lo costa.
Soliana a haci un invitacion na Pueblo di Aruba cu a sa di coopera den e prome evento. Diadomingo awo dia 2 di December lo tuma luga nan di dos evento, bendemento di Cabrito stoba, cabes cu higra, papaya stoba, pisca salo, sopi bestia chikito, manera tur hende gusta.
Tur e cumindanan aki lo bay wordo haci pa e Bonerianonan. Costo di plato ta solamente 15 florin. E prome biaha tur hende a gosa di un tremendo plato y Directiva di Club Boneriano ta spera di por
conta un biaha mas cu cooperacion di tur amigo di Boneiro.
