Departamento di Infrastructura y Planificacion tin un procedura pa ora di otorgamento di tereno na un persona. Na momento cu director a firma e filenan ta manda esaki bek p’e departamento concerni. Esaki ta pasa den man di e chef di departamento. E chef ta prepara e facturanan cu ta bay pa FPC y e departamento aki ta traha e facturanan.
Doris Jimenez di DIP a amplia riba e structura nobo con e proceso ta pa nan yega na nan tereno. Despues e siguiente procedura ta cu na momento di haya esaki ta yama e clientenan. Ta haci un cita cu e clientenan pa por pasa na DIP cu e factura, di cual tin ta pag’e di biaha online. Unabes cu paga e factura, ta firma e acuerdo y ta bay na e cahera, unda ta prepara esaki pa cliente haya y e por bay na e instancia financiero pa mustra di a firma e acuerdo y e proceso por sigui di financiamento pa construccion di cas.
E proceso aki ta algo nobo pa tanto Jimenez como su coleganan, pero e sistema aki ta bay hopi mas miho cu clientenan. Ta traha cita cu nan y ta purba p’e proceso cana mas lihe. Pa nan no tin di warda hopi of manera antes nan tahbata tuma number y warda hopi. Awo ta sigui un cita y ta cumpli cu e structura nobo.