Clientenan di Stellaris Casino a disfruta di D’Licious y ERA for di Corsou

Manera ta nan tradicion, Stellaris Casino a organisa nan “Tier Dance Gala Party” pa tur nan miho hungadonan. Diabierna anochi e “front line” di ERA di Corsou y D’Licious a pone tur hende baila y pasa un anochi inolvidabel. A prepara un repertorio cu cancionnan di antes y awo.

E “front line” di ERA tabata acompaña pa varios musico local bou encargo di e talentoso pianista Migi B, kende Boy Thode a scoge personalmente cu e tarea pa entrega e banda perfecto p’e anochi y Dwight Leoneta cu a dirigi e banda.

A baila cu D’Licious y ERA for di Corsou: Clientenan di Stellaris Casino a disfruta di “Tier Dance Gala Party”

Posted by 24ora on Sunday, August 4, 2019

Stellaris Casino henter aña ta organisa 4 evento pa su clientenan. E biaha aki a cambia e concepto mirando e demanda grandi cu tin di e hungadonan. E  clientenan ta gusta con Stellaris Casino ta haci e eventonan pa nan 4 bes pa aña, asina Yazira Javois-Feliciana, Director of Marketing & Slot Performance di Aruba Marriott Resort & Stellaris Casino, a splica.

Yazira Javois-Feliciana, Director of Marketing & Slot Performance di Aruba Marriott Resort & Stellaris Casino

Cada team player platinum, gold y silver ta haya nan mes un dinner gala party 4 bes pa aña. Debi cu e demanda a sigui, pasobra e clientenan di cada grupo a bira mas grandi, Stellaris Casino a dicidi di purba algo diferente.

E casino semper ta explora diversidad pa clientenan y keda ofrece nan e miho y a logra esaki. “Nos a crea un evento grandisimo pa nos clientenan y a haci esaki den un solo anochi cu ta e Tier Dance Party. E clientenan a ricibi caba 3 anochi di dinner, nan a bini bek hunto pa asina celebra un solo anochi cu D’Licious y ERA”.

Na momento cu a presenta e concepto nobo aki na cliente, pa Stellaris Casino e opinion di clientenan ta hopi importante, a purba di complace tur. Esey ta un di e motibonan pakico tabatin e evento aki. E comentarionan ricibi di nan na momento a presenta esaki, tabata masha positivo. Na momento cu a presenta e invitacion cu e bandanan scogi, e reaccion tabata enorme. Hopi hende a pidi pa tabata na e fiesta aki, pero esaki tabata dedica solamente p’e team players platinum, gold y silver.

Stellaris Casino ta e cas di Bacardi y a adopta e concepto di e bebida preferi Mojito. Ora cu yega Stellaris Casino bo ta haya tur sabor di Mojito completamente gratis como e bebida preferi. Segun Yazira Javois-Feliciana, ora cu tin e evento di bingo tin tur tipo di Mojito cu por scoge di dje. Como Stellaris Casino ta sinti cu nan ta e cas di Mojito, nan no por a laga afo e Mojito for di e celebracion. “Nos clientenan ta stima Bacardi, nan ta stima e Mojito y nos tin tur tipo di sabor cu bo por imagina. Nos ta ofrece bo y p’esey henter e anochi aki apart di e open premium bar, tabatin un bar specialmente di Bacardi y Mojito di tur tipo di sabor”, asina e gerente di mercadeo di e casino a termina bisando.

Aruba Marriott Resort & Stellaris Casino a habri na aña 1995 y ta e casino mas grandi riba nos isla. E ta conta cu mas di 160 empleado, cu ta maneha 24 wega di mesa y mas di 400 slot machines. E weganan mas popular riba mesa ta Craps, Black Jack, Three Card Poker y Roulette, mientras cu e mashinnan mas uza ta esunnan di e sistema 3D y e “Mystery Progressive Jackpots”. Stellaris Casino tin Bingo tur diahuebs, diasabra y diadomingo pa 12:00pm, cu 5 Progressivo inclui completamente gratis. E casino ta habri 24 ora pa dia pa weganan di mashin mientras cu weganan di mesa ta cuminsa pa 2:00pm te cu 4:00am.

Comments

comments