Clientenan di FMAA ta pidiendo auxilio na Centro Colorado

E situacion na Centro Colorado ta preocupante y Raymond Kock, kende ta un cliente di FMAA, a conta cu diaranson tabata tin un sucedido di un ataca di epilepsia y no tabata tin ningun material pa traha cun’e.

Tabata tin un staff riba vloer y cu e no tabata tin nada pa yuda e cliente. Ta 20 persona hunto cu un verpleegkundige ta para wak cu no tin nada pa traha cun’e.

No tin hende pa traha, Kock ta splica. Nan kier yudansa. Nan ta resa tur anochi, durante meeting, pa asina tur e adictonan cu ta sufriendo eyden. Panort CDM, cu tin 3 cliente, tin ocho trahado, 4 verpleegkundigen. Tin un verpleegkundige pa tur dienst na Colorado y 7 trahado pa 22 persona. Tin auto para eynan riba tereno cu yabi ta keda cera den e oficina na halto y ningun hende no por core nan. Tin un bus cu no ta tur hende por core y no por.

E trahadonan kier papia cu minister. Mester di material pa traha. Apart di e articulonan mester di trahado. Esey ta e parti di mas importante. Mester mas hende pa traha cu e adictonan na FMAA na Sero Colorado.

E higiena na e luga tambe ta hopi negativo. Tin un plas di awa den e cura cu ta un criadero pa sangura. Tambe nan tin double trouble den e luga. No por saca un paña for di den cashi pasobra ta hole urina.

Clientenan di FMAA ta pidiendo auxilio na Centro Colorado

Clientenan di FMAA ta pidiendo auxilio na Centro Colorado
Clink link pa mas: https://24ora.tv/2w4t6ET

Posted by 24ora on Friday, May 17, 2019

 

Ta compronde cu nan ta hende, pero nan mes como trahado ta trahando den un situacion hopi ahigienico

Loke nan tin mester ta tres cliente pa cada staff. Awor aki ta 7 cliente pa cada trahado. Kock a menciona cu tabata tin varios intento door di staff mes. Tabata tin varios grupo cu a yega di walkout, pero sin resultado. A manda un carta pa minister por presenta.

Kock mes ta un persona enfermo. Loke nan kier tambe ta mas hende pa traha den e centro, como tambe pa bin cu cambio den e luga.

 

No ta wega

Franklin Trod tambe ta un cliente y e ta enfermo. El a bira malo algun siman pasa y e mester a warda te laat, te ora cu tabata tin cambio di warda pa e por a haya transporte y hib'e Imsan. Danki na Dios cu no ta algo serio.

Esaki ta un di e ehempelnan cu tin na Imsan. No ta wega pa keda warda riba hende of no tin staff, no tin hende pa stuur, pasobra yabi ta keda cera den oficina na halto. Ningun di staff mag di mishi cun'e, despues di 4'or di atardi.

Aunke cu no ta riesgo pa bay cu un hende malo den auto, pasobra si algo pasa na caminda, ta cay riba dje. Si yama ambulance, despues di un ora of un ora y mey nan ta yega.

Pa loke ta e caso di epilepsia, no tabata tin hende cu por a yud'e. No tin tanki di zuurstof. Suerte cu tabata tin un enfermera eynan cu e por a yuda. Pero e no por a haci nada, pasobra e no tabata tin material. Tampoco e no por a bay hib'e y laga e otro clientenan. Na e sitio mester a keda por lo menos minimo 2 hende pa cada warda, cu yabi di auto tambe, segun Trod. No sa nunca ki ora un emergencia por presenta.

E carta pa minister di Salubridad a wordo firma pa e clientenan di FMAA. Awo nan ta spera cu e mandatario por haci algo pa asina cos no bay for di man. Ya caba tabata tin walkout di parti di staff y awo e clientenan ta sinti cu algo mester wordo haci, no solamente pa nan situacion, pero tambe pa yuda e staff por eherce nan trabao manera mester ta.

Comments

comments