Diasabra marduga pa 1 or personal di Casibari Café Grill a haya un confrontacion cu un cliente.
Aparentemente e cliente a bay busca problema cu e hendenan eyden. Mirando cu e tabata bou influencia di alcohol a opta pa yama polis. Na yegada di polis e persona cu ta causa problema no tey mas. Aki ta trata di un homber den un auto Kia color preto cu no kier a laga trahadornan trankil. Polis a tuma datos y a controla e area. Nan no a topa cu e chauffeur cu tabata causa problema.
