Cliente en busca di droga deteni

E siman aki gobierno a anuncia cu e medidanan relaciona cu coronavirus ta keda vigente, incluso esun di Toque de Queda. Pero asina mes tin hende ta sigui subi caya durante e TDQ, entre otro pa busca cos pa nan bicionan manera a sosode den oranan di marduga.

Detencion pa TdQ den Ranchostraat

Posted by 24ora on Wednesday, March 3, 2021

Rond di 2:47 am polis di Oranjestad cu tabata riba patruya den area di Ranchostraat, a topa cu un homber riba su bicicleta. Segun por a compronde, e homber a sali di unda e ta biba pa bay cumpra droga den pleno TDQ.

Mesora detene e homber y pidi vehiculo di transporte p’asina hib’e warda. Den proceso a hay’e cu un pipa den su poder tambe.