Cliente a horta Samsung di otro cliente den Price Smart

Diasabra den oranan laat di atardi a manda Polis na Price Smart. A drenta informacion cu tin un ladronicia di telefon cellular.

Tambe a splica cu tin grabacion con e persona a coy e telefon y asina mes ta nenga di a coy esaki.Polis a yega pero e supuesto persona cu a coy telefon a bandona e sitio caba. A papia cu esnan cu a perde e telefon. Nan a splica Polis tur loke a sosode. Polis a haya sa tambe kende ta e otro persona cu supuestamente a coy e telefon Samsung. Probablemente nan lo busca su paradero.