Partido Demokrático Boneriano a clausura nan campaña cu simadan. E miembronan di Partido Demokrático Boneriano a bini hunto cu nan sostenedonan pa pasa un momento ameno. E miembronan di partido a hiba palabra y a enfoca riba e echo cu e tres islanan, Aruba, Boneiro y Corsou mester busca nan lasonan bek.
Clark Abraham, lider di Partido Demokrático Boneriano a splica cu ora di cana rond na Boneiro por a mira hopi dolor. E dolornan na cas, e entrada di e hendenan no ta yega pa cubri nan gastonan. E prijsnan di cas ta hopi halto, incluso transporte ta caro. Por mira basta dolor den comunidad. P’e parti fundamental di un sociedad ta bayendo robes.
El a indica cu di otro banda tin hopi desaroyo na Boneiro, pero e desaroyo cu tin e Boneriano mes no tin acceso na dje. Ta traha cas na un prijs cu e Boneriano no por paga. Nan bay na un banco, nan no ta haya financia pa cumpra e cas. E desaroyo cu tin ta mustra di no ta pa e Bonerianonan, pero e desaroyo ta pa otro persona. Esey ta haci nan dolor.
Economia ta fundamental p’e pueblo. Economia t’ey pa sirbi e comunidad caminda e economia ta rigi. Abraham a sigui indica cu e economia no t’ey pa sirbi tur y menos e comunidad caminda e t’ey. Partido Demokrático Boneriano ta di pensamento cu mester un direccion mas husto y duradero, caminda cu e Bonerianonan ta haya e fruta dje economia.
Pa mas lesa TREMPAN.COM.
