Hopi ta e yamadanan riba caya y na nos mesa di redaccion relaciona cu Clarissa Arrindell su detencion. A haci denuncia contra dje pa placa cu el a tuma pa mesanan di concierto y no a cumpli cu esnan cu a paga. El a usa e concierto pa tuma placa di mesa y nunca a paga promotornan.
Esey nifica cu e promotornan no a entrega e ticketnan y esnan cu paga Clarissa Arrindell no por a mira e concierto di Marco Antonio Solis. Ta papia di un suma entre 60 cu 70 Mil Florin. Dia 12 di November a detene Clarissa Arrindell cu ta tambe Señora Carnaval 2019. Despues cu el a presenta na warda a mustre riba su derechonan. A base di e kehonan entrega y a base di su declaracion a tene cera.
Fiscal y Huez Comisario a prolonga e detencion. E speransa ta cu e lo haya libertad pronto. Abogado di Clarissa Arrindell ta atende cu e defensa y a mustra cu nan lo logra su libertad e siman aki ainda. E intencion ta pa e paga tur e debenan cu ainda ta habri. Parce el a paga un parti chikito pero ainda falta. Esey dimes lo bay den fase.
