Clarisca Velasquez a bay Corte contra Minister di Husticia y Mando Policial

2301

Despues cu Mando Policial a permiti 8 funcionario policial geschors presenta bek na trabou, mientras cu Clariska Velazquez a keda cu e medida disciplinario riba su lomba, el a dicidi di bay Corte pa busca su derecho. Esaki a tuma luga via di un caso sumario. A dicidi di cuminsa un caso contra Minister di Husticia Andin Bikker y Alto Comisario interino Vanessa Tjon Kock. A cuminsa pa entrega un obheccion contra e decision tuma contra dje y na Corte a cuminsa un caso estilo kortgeding.

Nan kier pa Hues scuchanan mas lihe posibel riba nan peticionnan cu ta elimina e schorsing y e prohibicion di entrada na edificionan policial. Tur esaki cu e intencion pa cuminsa traha atrobe.

Clarisca Velasquez ta hiba Alto Comisario Suplente Vanessa Kock y Andin Bikker corte

Clarisca Velasquez ta hiba Alto Comisario Suplente Vanessa Kock y Andin Bikker corte. Click e link pa mas https://24ora.news/3dYqfRP

Posted by 24ora on Monday, May 18, 2020

Manera por corda, el a meld ziek dia 29 y dia 30 nan a kibra drenta su cas (temporal) den oranan di marduga sin bevel, pa cual mester di un ordo. “Ta straña nos masha hopi mes cu e hendenan ey ta na trabou ainda y no a schorsnan. Pero si a schors sra. Velasquez. Pa tur loke a pasa, nos no tin confiansa den e indepencia di Mando Policial pa haci investigacion.”

Siman pasa mes el a pidi tres biaha pa ta presente na interogacion di sra. Velasquez diahuebs siman pasa, pero nada. A rechasa e peticion, pasobra e ta “simplemente un combersacion”.