Un ciudadano biba na Noord ta busca ayudo pa un parha cu el a haya den su cura awe mainta. E mes no tin forma pa busca ayudo pa e parha ni hib’e ningun caminda.
Tabata mainta ora cu e señora a bay muha e matanan, el a mira un e paharito casi sin bida benta abou.”Mi tawatin masha hopi miedo mes di mishi cu ne. Mi sa nan no ta haci nada, pero toch. M’a coy un handschoen di plastic bisti. Y a recoge. E ora ma ripara cu su wowo tin santo den dje. Y segun e tin un pata kibra.”
E señora ta conta cu el a yama diferente number. Prome tawata Animal Care Clinic, pero tin un dokter cu ta malo, awo nan no tin hende pa busce. Djei m’a yama Contreras y Phillip Animal, pero nan a bisa e señora cu e lo mester para responsabel, y e lo ta gastonan cu e mester cubri. Esun na Alto Vista si ta hacie gratis pa bo y pa bay Parke Nacional Arikok mi no tin transporte. “Lo mi tin cu tuma taxi bay y bin bek. E cen ey mi no tin.”
“Mi pregunta ta ken ta asina amabel, sea pa paga pa salba e animal, of ken lo ta asina amabel busca e animal y hib’e Parke Nacional Arikok na Alto Vista pa e haya ayudo. Mi ta haya tristo si cu no tin un Animal Shelter aki na Aruba cu ta busca e animalnan ora nan ta malo, tin cu bin un cambio na esaki.”
Por tuma contacto cu e señora na tel. 5835741
