Ciudadano: A perde 20 florin yamando DIMP sin haya contesta

2279

Magda Tromp Rafiney ta disgusta cu e servicio di Departamento di Impuesto y ta sinti cu e no tin oido tampoco. 

E ta un pensionado mescos cu su casa, pa cual e ta bisa cu e ta haya cu esaki ta un molester cu e no mester pasa aden. 

El a haya dos cobransa na su cas di debe di belasting pa cual el a haci un areglo di paga y apesar cu e ta un pensionado, el a cumpli tur luna te cu el a finalisa. Diripiente el a haya un carta na su cas atrobe cu e debe belasting. El a trata pa bay DIMP pa puntra e problema ta, pero a inform’e cu no ta atende personalmente y cu e mester yama. 

Ciudadano ta cuestiona servicio di DIMP

Ciudadano ta cuestiona servicio di DIMP

Posted by 24ora on Thursday, November 26, 2020

El a cumpra un carchi di 10 florin cu a caba completo te cu el a haya un hende pa atende.

E carta cu el a haya, el a sintie como un menasa pasobra nan a bisa di lo tuma su auto den beslag, mientras cu e no tin e auto mas ya cu su casa a accidenta cu ne y a keda total loss. El a sigui yama pero nada. El a bolbe yega eynan pa splica nan cu e ta yama y no ta haya contesta. Awe el a bini y a cumpra un carchi di 10 florin, tratando for di eydilanti mes di haya un hende na telefon, pero nada.

Ayera el a haya na cas un biaha mas un carta cu diaranson awo ta bende su auto na vindishi. “Un auto cu mi no tin, pasobra e auto a keda total loss despues di accidente.” E no ta compronde e forma di DIMP, pasobra e ta perdiendo placa na yamada pa haya sa kico e debe of yega na un areglo, pero no ta haya hende pa contesta e telefon na DIMP. “Mi tin papel cu tur cos ta paga y nan a bisami cu mi no tin ningun debe mas. E cos aki a dal mi duro, pasobra  mi  no ta haya comunicacion cu nan y nan ta menasami. Awo mi no sa ki pa haci. Mi kier sa ken por yudami. Mi no ta haya contacto cu e personal. Yamami, na 7461346 o 5646776. Mi adres ta Heidestraat 2 na Noord. Tuma contacto cu mi. Mi ta conseha e director mes pa yama y wak si nan ta contest’e. ,” e señora a duna di conoce.