Ciudadano preocupa: DAS no ta yudando manera mester ta

2433

Pa motibo di e situacion actual un señora no tin su trabou mas. Esey no ta impedi y implementa p’e traha, p’esey e ta buscando trabou pa por sobrevivi. Door di e situacion actual e no por a paga su huur, pero e persona no tabata rasona. Polis tambe a presenta, pero e doño di apartament a sac’e afo.

El a busca opcion pa bay otro caminda cu su yiunan y su famia mes no a ofrece un luga pa keda. Departamento di Asuntonan Social (DAS) a tuma contacto cu famia mirando si nan ta dispuesto pa tum’e den cas pa mientras tanto y esaki a pasa.

Ciudadadano preocupa: DAS no ta yudando manera mester ta

Ciudadadano preocupa: DAS no ta yudando manera mester ta.Click link pa mas https://24ora.news/2w8vspQ

Posted by 24ora on Friday, April 3, 2020

Natalie Voorst di Sociale Zakena tuma contacto cu e señora bisando cu nan a yega na un palabracion cu un netwerk di famia, kende lo yuda nan. Tambe lo a sali un carta pa no perhudica e persona cu su huur, pasobra ta cas di pueblo. DAS sa e situacion y cu e señora no tabata kier un netwerk, pasobra e mes no a ricibi apoyo di su netwerk. El a saca su cosnan y a bay cerca un famia, caminda e no a sinti su mes comodo cu e situacion y a cuminsa busca un otro caminda. Un logica ta cu si un mama ta trankil e yiunan tambe, pero si un mama ta emocionalmente y mentalmente instabiel, e muchanan no lo bay ta bon. El a haya un luga unda e por ta trankil y tin tempo cu su yiunan, kendenan tin dak pa hunga, awa, coriente y co’i come.

Na momento cu esaki a pasa, su tras a bin yen problema. Loke ta pasando cun’e ta cu ta hungando un wega mental. Nan a bisa e persona cu e señora ta un pashent di paz, di ta loco y bou tratamento di psikiater of psicologo. El a bisa cu si esey tabata e caso, e lo tabata hinca na KIA caba mirando kico su mesun netwerk ta bisa. Unda e ta kedando e señora a dun’e un man. Tur cos bisa ta un banda di medaya so y tur hende ta uzando esey contra dje.

El a papia cu Natalie Voorst, Faridi, Miriam Illidge sa di su caso cu desde 2016 e ta wardando riba un ‘voedsel pakket’e cu nunca a yega. E no sa di unda of dicon ta implementando cosnan contra dje. Segun e señora, for di diahuebs a haya un yamada constantemente na telefon puntrando riba e bienestar di e muchanan. Niun momento el a haya uno cu ta bisa di ta bay yud’e of ta yudand’e. E ta haya yudansa di un voedsel pakket. Si nan sa unda e ta y sa cu no ta adecua, e ta haya cu DAS por busca un solucion lihe pero esey no ta pasando.

E “sociale voorzieningen” ta laga hopi di desea, el a bisa. Si ta implementando leynan Europeo, rapidamente e lo mester a haya e yudansa. E no ta pidiendo yudansa di Gobierno, no ta pidiendo bijstand pasobra e por traha. E ta pidiendo yudansa pa sali for di un fundacion pa algo mas adecua p’e y su yiunan.

El a compronde for di diferente hende cu nan por haya yudansa di un solo biaha. Hopi hende a ricibi e yudansa, pero a haci menosprecio di e yudansa aki y ta hendenan cu ta den droga, ta alcoholico y ta maltrata nan yiunan. Su yiunan no ta maltrata ni psicologicamente. E tin prueba di tur esaki pa esnan cu ta bisa esey. Awo ta un wega mental ta hungando contra dje.

Nan no a puntr’e pa pasa y duna su banda di medaya. Esaki ta algo di lamenta y ta laga hopi di desea como instancia. A bis’e cu no tin trabou, con e ta bay cria su yiunan y si e ta buscando trabou. E tin cu sali den toque de queda pa busca un trabou, pero unda e por bay busca trabou si Gobierno a implementa e ley di TDQ. El a bisa nan si nan por yud’e haya un trabou y cu e salario ey e por biba, pero e no a tende nada mas. Aworaki ta hungando un wega cun’e door di DAS, Bureau Sostene Mi, Hende Muhe den Dificultad, unda cu nan tur ta cerando porta.

E ta gradicido na esnan cu a dun’e un man y a scucha su banda di medaya. Esnan cu ta yama ta bezig ta kleiner e door di lag’e sinti cu e no ta suficiente of no ta haci cosnan bon. Mirando kico a bisa na Fundacion Pa Hende Muhe den Dificultad, cu riba su propio boluntad e ta perhudicando su yiunan y pa bisa algo mester di prueba. E no ta haciendo esey y nan por yega pa mira esaki.

Desde 2016 e ta batiendo na un bel pa e situacion y awo ta bin cu un storia no ta cuadra. E tin cu papia cu 7 persona y tin cu bolbe splica nan e situacion, yena papel, bolbe saca papel di Censo. Si nan ta un instancia cu ta haci team work, e no mester haci e cosnan aki. Ta keda habri un herida sin sa, siendo nan sa di e situacion y esaki ta bayendo leu. Nan sa di dje, pero nan mes ta pusha bo bou di brug. Esey ta e Asunto Social cu Aruba tin? Su persona kier pa nan yuda. Pasobra si ta acerca DAS, e kier pa nan yud’e y no hog’e. Ta presenta na DAS pasobra eynan mester ta y no pa destrui su fortalesa. E ta buscando manera pa lanta, pero ta mand’e di cashi pa muraya y bek.