CITGO: Reduccion di trahado bou di contratistanan

Riba 28 di januari ultimo Gobierno di Merca a anuncia sancionnan directo contra di Petróleos de Venezuela, S.A. (PDVSA), autor di e proyecto di rehabilitacion di e refineria na San Nicolas. E sancionnan aki a impacta CITGO Aruba Refining N.V. (CAR). E accion a resulta den un reduccion parcial di e forsa laboral bou di e contratistanan. Nos ta compronde cu esaki ta un situacion desafortuna. CAR lo sigui traha cu Gobierno di Aruba pa minimalisa e impacto riba e pueblo di Aruba.

E suministro di combustibel pa e isla di Aruba no ta wordo afecta y empleadonan di CAR ta sigui opera e Terminal na un manera sigur y confiabel.

Tocante CITGO Aruba

CITGO Aruba Refining N.V. (CAR) ta un compania Arubiano cu ta forma parti di un grupo di compania operando bou di PDV Holding Inc., doño indirecto di CITGO Petroleum Corporation y subsidiario di Petróleos de Venezuela, S.A., e compania nacional di petroleo di República Bolivariana di Venezuela. CAR ta e operador di e refineria di Aruba, situa na San Nicolas cu ta propiedad di Refineria di Aruba N.V. (RdA), un entidad di cual Gobierno di Aruba ta propietario absoluto.