Loke cu CITGO Aruba Refinery a ofrece ta cesantia pa e trahadonan cu ta cay bao di e sindicato IOWUA. Segun Presidente di e sindicato, Boy Anthony, a pidi sosten di USW. A bay prensa internacional. A pidi sosten di Gobierno, sosten di Minister di Labor.
Anthony a sigui splica cu el a manda dialuna cinco proposicion. Awe Joe Crawford, kende ta e top di CITGO a yama dirigentenan di IOWUA como tambe di FTA y nan a duna loke IOWUA a negosha na februari.
Anthony a djis bisa tur trahado, miembro di sindicato, traha un papel firm’e, pasobra a acepta. E ta hopi mas di loke CITGO a ofrece na inicio. Den entrevistanan anterior, Anthony a splica cu no ta pidi pa mas, djis pa e ta mesun oferta cu esun di februari di aña pasa.
A manda calculacion pa sindicato IOWA pa asina nan por revisa esaki y pa conseha e trahadonan pa acept’e, firm’e y asina cuminsa busca otro trabou desde fin di e luna aki caba.
